Mei Liadabuach - Wias Lebn soid sei

Das ist die Seite von Gustav Freudmann / Mei Liadabuach

Wias Lebn soid sei

(The Way Life's Meant To Be/Electric Light Orchestra)

I bin kumman vo weid, damid i do bin heid,
so laung häsd gwoadt auf mi, auf dera Schdrossn do.
Und jeds greu i umannaund, allaa in fremdasdn Laund,
ka Auhnung wos zum Sogn oda zum Duan wa so.
Dua_r_i mi umadum drahn, wo laudta Fremde nua san,
bin i da andsige Fremda dabei.
Und i frog mi (jo, i frog mi),
jo i frog mi (uh, i frog mi).
Is des jeds des, wias Lebn soid sei?

Vagaungan is easchd a Nochd, seid de mi dohea haum brochd
und heagschdöd, wo_r_i nua mea deppad glodsn kau.
(Des is dei Lebn, is dei Lebn)
Da Bodn auf dem i schdeh, kennd sei, de oide Allee,
doch ois wos i kennd hob, liegd diaf in Drundtabau.
(Is dei Lebn, is dei Lebn)
Und waunn i siech, wos de gmochd haum, aus den wo ma daham woan,
gschbia_r_i nix eis an Muadsschaum dabei.
Und i frog mi (uh, i frog mi),
jo i frog mi (jo, i frog mi, frog mi, frog mi, frog mi).
Is des jeds des, wias Lebn soid sei?

Vü z'schbäd, vü z'schbäd zum Wanan, sogn de Leidt.
Vü z'schbäd fia di, vü z'schbäd fia mi.
Kummsd so weid hea, und waaßd doch eh scho ois, mei Freind.
Schau und schdaun, so wundavoi woa d'Wöd do no nie.

Und i frog mi (uh, i frog mi),
jo i frog mi (jo, i frog mi).
Is des jeds des, wias Lebn soid sei?

Wias mi so umadriem hodt, duach de vakummane Schdodt,
wo fiad Leidt ka lauds Wuadt mea zum Redn woa,
mit iare Öfnbaadiamen und de Blasdikbliamen,
woidt i so gean zruck sei in anadochzga Joa.
I woidt i siech dei liabs Gsichd, schdodt dera grauslichn Gschichd.
Jeds gschbia_r_i easchd, wiasd ma föhsd dabei.
Und i frog mi (uh, i frog mi),
jo i frog mi (jo, i frog mi).
Is des jeds des, wias Lebn soid sei?

Und i frog mi (uh, i frog mi),
jo i frog mi, frog mi, frog mi, frog mi.
Is des jeds des, wias Lebn soid sei?

Uh, i frog mi,
jo i frog mi, frog mi, frog mi.
Is des jeds des, wias Lebn soid sei?

Uh, ohohoh, is des jeds des, wias Lebn soid sei?
Mmmh, is des jeds des, wias Lebn soid sei?
I mechads wiagli wissn,
is des jeds des, wias Lebn soid sei?